புதுடெல்லி, 18 பிப்ரவரி (ஹி.ச.)

புதுடெல்லி பாரத் மண்டபத்தில் தற்போது நடைபெற்று வரும் 2026 இந்திய ஏஐ உச்சி மாநாட்டில் 110க்கும் மேற்பட்ட நாடுகள் மற்றும் 30 சர்வதேச அமைப்புகள் பங்கேற்றுள்ளன. சுமார் 20 நாட்டுத் தலைவர்கள் மற்றும் அரசு பிரதிநிதிகள் என கிட்டத்தட்ட 45 அமைச்சர்கள் இந்த நிகழ்வில் கலந்து கொள்கின்றனர்.

இது செயற்கை நுண்ணறிவு குறித்த மிகப்பெரிய உலகளாவிய கூட்டங்களில் ஒன்றாகும்.

2023 இல் பிளெட்ச்லி பூங்காவிலும், 2024 இல் தென் கொரியாவிலும், 2025 இல் பிரான்சிலும் முந்தைய பதிப்புகளைத் தொடர்ந்து, இந்தத் தொடரின் நான்காவது உச்சிமாநாடு இதுவாகும். உலகளாவிய ஏஐ உச்சிமாநாடு இந்தியாவில் நடத்தப்படுவது இதுவே முதல் முறையாகும்.

அந்த வகையில் இந்த 5 நாள் ஏஐ உச்சிமாநாட்டில் கலந்து கொள்ள இந்தியா வந்த ஃபின்லாந்து பிரதமர் பெட்டேரி ஓர்போ, புதுடெல்லியில் உள்ள ஹைதராபாத் மாளிகையில் பிரதமர் மோடியைச் இன்று சந்தித்தார்.

டிஜிட்டல்மயமாக்கல், ஏஐ ஆராய்ச்சி மற்றும் நெறிமுறை கண்டுபிடிப்புகளில் ஒத்துழைப்பை மேம்படுத்துவது குறித்தும், இந்திய திறமைகள் இருதரப்பு ஒத்துழைப்பை எவ்வாறு மேலும் வலுப்படுத்த முடியும் என்பதையும் ஆராய்வது குறித்தும் இரு நாட்டு தலைவர்களும் விவாதங்கள் நடத்தியதாக வெளியுறவுத் துறை அமைச்சகம் தெரிவித்துள்ளது.

Hindusthan Samachar / vidya.b