சென்னை, 11 மார்ச் (ஹி.ச.)

கூகிள் நிறுவனம், ஆண்ட்ராய்டு செயலிகள் உங்கள் மொபைல் பேட்டரியை எவ்வளவு பயன்படுத்துகின்றன என்பதை வெளிப்படுத்தும் புதிய வசதியை அறிமுகம் செய்துள்ளது.

இந்த விவரம் ப்ளே ஸ்டோரில் உள்ள செயலிகளின் பக்கத்தில் தோன்றும். அதிக பேட்டரியை உறிஞ்சும் ஆப்களுக்கு மட்டுமே இந்த எச்சரிக்கை லேபிள் காட்டப்படும்.

இந்த புதிய அம்சம் 2026 மார்ச் முதல் அனைத்து பயனர்களுக்கும் பயன்பாட்டுக்கு வரும் என்று கூகிள் அறிவித்துள்ளது.

கூகிள் பயனர்களுக்கு மிகவும் உபயோகமாக இருக்கும் இந்த லேபிள், செயலிகளை உருவாக்குபவர்களுக்குத் தேவையான மாற்றங்களைச் செய்ய கால அவகாசம் மற்றும் வழிகாட்டுதலை வழங்கும். தவறான தகவல்கள் இருந்தால், அந்தச் செயலி ப்ளே ஸ்டோரின் முக்கிய விளக்கப் பக்கத்திலிருந்து நீக்கப்படவும் வாய்ப்புள்ளது.

கூகிள் ப்ளே ஸ்டோரில் அதிக பேட்டரியை பயன்படுத்தும் செயலிகளுக்கு இந்தச் செயலி அதிக பின்னணி செயல்பாட்டின் காரணமாக அதிக பேட்டரியை பயன்படுத்துகிறது என்ற எச்சரிக்கை லேபிள் கிடைக்கும்.

ஆடியோ பிளேபேக் மற்றும் ஃபைல் டிரான்ஸ்ஃபர் போன்ற வசதிகளுக்கு லாக் ஸ்கிரீன் அனுமதி தேவை. எனவே, அவற்றுக்கு இந்த விதிவிலக்கு உண்டு.

கூகிள் ஒரு வரையறையை நிர்ணயித்துள்ளது, அதை டெவலப்பர்கள் பின்பற்ற வேண்டும். ஒருவேளை செயலிகள் அதிக பேட்டரியை பயன்படுத்தினால், கூகிள் டெவலப்பருக்கு தகவல் தெரிவித்து, அந்த பிரச்சனையை சரிசெய்ய அறிவுறுத்தும்.

பேட்டரி சீக்கிரம் தீர்ந்து போவதை சரிசெய்ய சில எளிய வழிகள் உள்ளன.

அதிக ஆற்றல் தேவைப்படும் செயலிகள் பின்னணியில் இயங்காதவாறு செட்டிங்ஸில் மாற்றங்களைச் செய்யவும். ஸ்கிரீன் வெளிச்சத்தைக் குறைக்கவும். ப்ளே ஸ்டோரில் ஆட்டோமேட்டிக் அப்டேட் வசதியை ஆஃப் செய்யவும். ஜிபிஎஸ், லொகேஷன் டிராக்கிங், வைஃபை மற்றும் மொபைல் டேட்டா போன்ற சேவைகளைத் தேவைப்படும்போது மட்டும் ஆன் செய்யவும்.

அதிக புஷ் நோட்டிஃபிகேஷன்களைக் கட்டுப்படுத்தவும். பேட்டரி சேவர் மோடை ஆன் செய்யவும். பயன்படுத்தாத செயலிகளை டெலிட் செய்யவும். லைவ் வால்பேப்பர்ஸ், வானிலை மற்றும் செய்தி விட்ஜெட்களைக் குறைப்பதும் பேட்டரி லைஃப்க்கு நல்லது.

சாஃப்ட்வேர் அப்டேட்களை இன்ஸ்டால் செய்வதும் பேட்டரி செயல்திறனை மேம்படுத்த உதவும்.

இந்த உதவிக்குறிப்புகளைப் பின்பற்றினால், உங்கள் ஸ்மார்ட்போனின் பேட்டரி நீண்ட நேரம் நீடிக்கும். அதோடு அதன் செயல்பாடும் சிறப்பாக இருக்கும்.

Hindusthan Samachar / JANAKI RAM