ஆந்திரா, 15 மார்ச் (ஹி.ச.)

ஆந்திர மாநிலம், திருப்பதி மாவட்டம், சுல்லூருபேட்டா நகரின் நடுச்சந்தையில் அமைந்துள்ள ஸ்ரீ வெங்கடேஸ்வர ஜுவல்லர்ஸ் என்ற தங்க நகைக்கடையில் பகல் நேரத்தில் கொள்ளை நடந்துள்ளது.

வாடிக்கையாளரைப்

போல வந்த ஒரு நபர், கடை உரிமையாளரின் கண்களில் மிளகாய்ப்பொடியைத் தூவி, லட்சக்கணக்கான ரூபாய் மதிப்புள்ள தங்கத்தை கொள்ளையடித்து தப்பிச்

சென்றுள்ளான்.

இச்சம்பவம் உள்ளூரில் பெரும் அதிர்ச்சியை ஏற்படுத்தியுள்ளது.

பாதிக்கப்பட்டவர் மற்றும் போலீஸார் தரும் தகவல்களின்படி: சுல்லூருபேட்டா

நடுச்சந்தையில் உள்ள ஸ்ரீ வெங்கடேஸ்வர ஜுவல்லர்ஸ் கடைக்கு ஒரு நபர் ஸ்கூட்டரில் வந்துள்ளான். கடைக்குள் நுழைந்த அவன், அழகிய டிசைன் நகைகளைக்

காட்டுமாறு உரிமையாளர் வெங்கடேஸ்வரலுவிடம் கேட்டுள்ளான்.

உரிமையாளர் நகைகளைக்

காட்டிக் கொண்டிருக்கும்போது, அந்த நபர் தற்போதைய சந்தை விலை, எதிர்காலத்தில்

விலை உயருமா என்பது பற்றி பேசி உரிமையாளரின் கவனத்தைத் திசைதிருப்பியுள்ளான்.

உரிமையாளர் கவனக்குறைவாக இருந்த சமயத்தில், குற்றவாளி தன் பையில் கொண்டு வந்த

மிளகாய்ப்பொடியை எடுத்து திடீரென வெங்கடேஸ்வரலு அவரது கண்களில் தூவியுள்ளான்.

உரிமையாளர் தன்னைச் சமாளிக்கும் முன்பே, கவுண்டரில் இருந்த தங்க நகைகளைப்

பறித்துக்கொண்டு ஸ்கூட்டரில் தப்பிச் சென்றுள்ளான்.

இந்த முழு சம்பவமும்

கடையில் பொருத்தப்பட்ட சிசிடிவி கேமராக்களில் பதிவாகியுள்ளது.

கண்களில் மிளகாய்ப்பொடி விழுந்ததால் உரிமையாளர் வலியால் கதறியுள்ளார்.

உள்ளூர் மக்கள் சம்பவ இடத்திற்கு விரைந்து வந்துள்ளனர். தகவல் கிடைத்ததும் உள்ளூர்

போலீஸார் உடனடியாக வந்து சிசிடிவி ஃபுட்டேஜை கைப்பற்றியுள்ளனர். சுமார் 140 கிராம் தங்கம் (சுமார் 20 லட்சம் ரூபாய் மதிப்பு) கொள்ளையடிக்கப்பட்டதாகஉரிமையாளர் தெரிவித்துள்ளார்.

போலீஸார் வழக்கு பதிவு செய்து தீவிர விசாரணை

நடத்தி வருகின்றனர்.

Hindusthan Samachar / GOKILA arumugam