புதுடெல்லி, 19 மார்ச் (ஹி.ச.)

தேசியத் தலைநகர் புதுடெல்லியில் உள்ள ‘வர்த்தகம் மற்றும் வரித்துறை அலுவலகக் கட்டிடத்தில்’ இன்று காலை தீ விபத்து ஏற்பட்டது.

தீயணைப்புத் துறை அதிகாரிகள் அளித்த தகவலின்படி, கட்டிடத்தின் 12-வது தளத்தில் தீ ஏற்பட்டதாக காலை 8.26 மணியளவில் தகவல் கிடைத்தது. உடனடியாக ஆறு தீயணைப்பு வாகனங்கள் சம்பவ இடத்திற்கு விரைந்து சென்று தீயை அணைக்கும் பணியில் ஈடுபட்டன.

குறுகிய நேரத்திலேயே தீ முழுமையாகக் கட்டுக்குள் கொண்டு வரப்பட்டதாக டெல்லி தீயணைப்புத் துறை தெரிவித்துள்ளது.

இந்த விபத்தில் இதுவரை உயிரிழப்புகள் எதுவும் பதிவாகவில்லை.

தீ விபத்துக்கான காரணம் குறித்து தொடர்ந்து விசாரணை நடைபெற்று வருகிறது.

இதற்கிடையில், அண்மையில் ஏற்பட்ட பாலம் கட்டிடத் தீ விபத்தில் உயிரிழந்தோரின் குடும்பங்களுக்கு ₹10 லட்சமும், உயிரிழந்தவர்கள் குழந்தைகளாக இருந்தால் ₹5 லட்சமும் இழப்பீடாக வழங்கப்படும் என டெல்லி அரசு நேற்று அறிவித்தது.

மேலும், கடுமையாக காயமடைந்தவர்களுக்கு ₹2 லட்சம் இழப்பீடு வழங்கப்படும் என்றும் தெரிவிக்கப்பட்டுள்ளது.

Hindusthan Samachar / JANAKI RAM