சிம்லா, 20 மார்ச் (ஹி.ச.)

இமாச்சல பிரதேசத்தில் வணிக ரீதியிலான எல்பிஜி எரிவாயு பற்றாக்குறை நிலவி வரும் நிலையில், நடைபெற்று வரும் பட்ஜெட் கூட்டத்தொடரின் போது சட்டமன்ற உறுப்பினர்கள், அமைச்சர்கள், அதிகாரிகள் மற்றும் ஊழியர்களுக்கான உணவு தயாரிப்பில் பாரம்பரிய விறகு அடுப்பு முறை மீண்டும் பயன்படுத்தப்படுகிறது.

இமாச்சல பிரதேச சுற்றுலா மேம்பாட்டுக் கழகம் (ஹெச்பிடிடிசி) இந்த உணவு தயாரிப்பு பொறுப்பை மேற்கொண்டு, விறகு அடுப்புகள் மூலம் சமையல் செய்து வருகிறது.

சட்டப்பேரவை உறுப்பினர்களுக்கான உணவு சிம்லாவில் அமைந்துள்ள ‘ஹோட்டல் ஹாலிடே ஹோம்’ வளாகத்திலிருந்து விநியோகிக்கப்படுகிறது.

கூட்டத்தொடரின் ஆறாவது நாளான இன்று, ஹெச்பிடிடிசி ஊழியர்கள் சுமார் 500 முதல் 600 பேருக்கு உணவு தயாரித்தனர்.

பாரம்பரிய விறகு அடுப்புகளின் மீது வைக்கப்பட்ட பெரிய பாத்திரங்களில் இந்த சமையல் நடைபெற்றது.

பின்னர் தயாரிக்கப்பட்ட உணவுப் பொட்டலங்கள் வெப்பம் தங்க வைக்கும் ‘ஹாட் கேஸ்’ பெட்டிகளில் அடைக்கப்பட்டு சட்டப்பேரவை வளாகத்திற்கு கொண்டு செல்லப்பட்டன.

மாநிலத்தின் கிராமப்புறங்களில்—குறிப்பாக ஹமீர்பூர், காங்க்ரா, மண்டி, பிலாஸ்பூர் மற்றும் உனா மாவட்டங்களில்—சமூக நிகழ்வுகளின் போது ‘பட்டி’ (bhattis) என உள்ளூரில் அழைக்கப்படும் விறகு அடுப்புகளில் சமைக்கும் நடைமுறை இன்றும் தொடர்கிறது.

Hindusthan Samachar / JANAKI RAM