புதுடெல்லி, 25 மார்ச் (ஹி.ச.)

மார்ச் 28க்குள் டெல்லி 24, அக்பர் சாலையில் அமைந்துள்ள அலுவலகத்தை காலி செய்யுமாறு காங்கிரஸ் கட்சிக்கு எஸ்டேட் துறை அறிவுறுத்தியுள்ளதாக தகவல் வெளியாகியுள்ளது.

காங்கிரஸ் வட்டாரங்கள் தெரிவித்ததின்படி,

இன்று எஸ்டேட் துறை சார்பில் வெளியிடப்பட்ட அறிவிப்பில்,

குறிப்பிட்ட காலக்கெடுவுக்குள் அந்த வளாகத்தை காலி செய்து ஒப்படைக்க வேண்டும் என குறிப்பிடப்பட்டுள்ளது.

இது தொடர்பான அதிகாரப்பூர்வ தகவல் அரசுத் தரப்பில் இருந்து உறுதிப்படுத்தப்படவில்லை என்றாலும், கட்சித் தரப்பில் இந்த அறிவிப்பு பெறப்பட்டுள்ளதாக கூறப்படுகிறது.

டெல்லி அரசியல் வட்டாரங்களில் முக்கியத்துவம் பெற்ற 24 அக்பர் சாலை பங்களா, கடந்த 48 ஆண்டுகளாக காங்கிரஸ் கட்சியின் முக்கிய அலுவலகமாக செயல்பட்டு வந்தது.

தேசிய அளவிலான அரசியல் முடிவுகள், கட்சி ஆலோசனைகள் மற்றும் அமைப்புசார் கூட்டங்கள் பலவும் இங்கு நடைபெற்று வந்தன என்பது குறிப்பிடத்தக்கது.

இதற்கிடையில், கடந்த ஆண்டு கோட்லா மார்க்கில் ‘இந்திரா பவன்’ என்ற பெயரில் காங்கிரஸ் கட்சி தனது புதிய தலைமையகத்தைத் திறந்திருந்தது.

புதிய அலுவலகம் செயல்பாட்டுக்கு வந்திருந்தாலும், பழைய அக்பர் சாலை வளாகம் முழுமையாக காலி செய்யப்படாமல் இருந்ததாக தகவல்கள் தெரிவிக்கின்றன.

மேலும், புதிய தலைமையகம் திறக்கப்பட்ட பிறகும், கட்சியின் சில முக்கிய நிர்வாக நடவடிக்கைகள், கூட்டங்கள் மற்றும் ஒருங்கிணைப்பு பணிகள் பழைய அலுவலக வளாகத்திலேயே தொடர்ந்து நடைபெற்று வந்ததாகவும் கூறப்படுகிறது.

Hindusthan Samachar / JANAKI RAM