சென்னை, 21 ஏப்ரல் (ஹி.ச.)

நடிகர் விஜய் தலைமையேற்று நடத்தும் தமிழக வெற்றிக் கழகத்தைச் சேர்ந்தவர்கள் தன் மீது செருப்புகளை வீசினர் என ஊட்டச்சத்து நிபுணரும், திமுக ஐடி பிரிவு மாநில துணைச் செயலாளருமான திவ்யா சத்யராஜ் தெரிவித்துள்ளார்.

இது தொடர்பாக அவர் இன்று வெளியிட்டுள்ள அறிக்கையில் கூறியிருப்பதாவது,

திமுகவின் மாநில துணைச் செயலாளராக, நான் எனது கட்சிக்காகத் தீவிரமாகப் பிரச்சாரம் செய்து வருகிறேன். நேற்று (20.04.2026) மாலை நான் வீதிகளில் பிரச்சாரம் செய்து கொண்டிருந்தபோது, தமிழக வெற்றிக் கழகத்தைச் சேர்ந்த ஒரு குழுவினர் என் மீது செருப்புகளை வீசினர்.

இதனால் நான் அதிர்ச்சியடைந்தேன். ஆனாலும் எனது உரையை நிறுத்தவில்லை. எனது பெற்றோர் என்னை மிகுந்த துணிச்சலுடன் வளர்த்துள்ளனர். நமக்கு ஒரு கருத்தை பின்பற்ற உரிமை உண்டு. அதற்காக நாம் உடல்ரீதியாகத் தாக்கப்படக் கூடாது. எனது சகோதரர் சிபியும் நானும் வெவ்வேறு சித்தாந்தங்களைக் கொண்டவர்கள், ஆனால் நாங்கள் ஒருபோதும் சண்டையிட்டுக் கொள்வதில்லை; நாங்கள் ஒருவருக்கொருவர் மிகவும் நெருக்கமானவர்கள்.

நாங்கள் மிகவும் முற்போக்கான குடும்பம். ஒரு கருத்தைக் கொண்டிருப்பதற்காக ஒரு பெண் மீது செருப்பு வீச கூடாது. பெண்கள் மதிப்பிற்குரியவர்கள் என்பதால், அவர்களை மதிக்கக் கற்றுக்கொடுக்குமாறு தவெக தலைவர் விஜய் தனது கட்சியினருக்கு அறிவுரை வழங்க வேண்டும்.

அத்துடன், சங்கீதா விஜய், நான் அறிந்த அற்புதமான பெண்களில் ஒருவர் என்பதையும், அவரும் மதிக்கப்பட வேண்டியவர் என்பதையும் நான் இங்கே குறிப்பிட விரும்புகிறேன்.

இவ்வாறு அவர் தெரிவித்துள்ளார்.

Hindusthan Samachar / vidya.b