தூத்துக்குடி, 23 ஏப்ரல் (ஹி.ச.)

2026-ஆம் ஆண்டு தமிழகச் சட்டமன்றத் தேர்தலுக்கான வாக்குப்பதிவு இன்று காலை முதல் விறுவிறுப்பாக நடைபெற்று வருகிறது.

தூத்துக்குடி மாவட்டத்தைப் பொறுத்தவரை, காலை 11:00 மணி நிலவரப்படி மாவட்டத்தின் சராசரி வாக்குப்பதிவு 35.16% ஆக உயர்ந்துள்ளதாகத் தேர்தல் ஆணையம் தெரிவித்துள்ளது.

தொகுதி வாரியான வாக்குப்பதிவு விவரங்கள்:

214 தூத்துக்குடி 37.39%

213 விளாத்திகுளம் 35.61%

218 கோவில்பட்டி 35.12%

215 திருச்செந்தூர் 34.77%

217 ஓட்டப்பிடாரம் 34.34%

216 ஸ்ரீவைகுண்டம் 33.55%

மாவட்டம் முழுவதிலும் தூத்துக்குடி (214) சட்டமன்றத் தொகுதியில் அதிகபட்சமாக 37.39% வாக்குகள் பதிவாகியுள்ளன. ஸ்ரீவைகுண்டம் (216) சட்டமன்றத் தொகுதியில் மாவட்டத்தின் குறைந்தபட்ச அளவாக 33.55% வாக்குகள் பதிவாகியுள்ளன.

மாவட்டம் முழுவதும் காலை 7 மணி முதல் மக்கள் நீண்ட வரிசையில் காத்திருந்து தங்களது ஜனநாயகக் கடமையை ஆற்றி வருகின்றனர்.

குறிப்பாக, வெயிலின் தாக்கம் அதிகரித்துள்ள போதிலும், இளைஞர்கள் மற்றும் முதல்முறை வாக்காளர்கள் உற்சாகமாக வாக்களித்து வருகின்றனர்.

Hindusthan Samachar / vidya.b