மகாராஷ்டிரா, 27 ஏப்ரல் (ஹி.ச.)

மகாராஷ்டிர மாநில போக்குவரத்து அமைச்சர் பிரதாப் சர்னாயக், அம்மாநிலத்தில் உள்ள அனைத்து வணிக பயணிகள் வாகன ஓட்டுநர்களுக்கும் நடைமுறை மராத்தி கட்டாயமாக்குவது குறித்து விவாதிக்க, பல்வேறு ரிக்ஷா மற்றும் டாக்ஸி ஓட்டுனர்கள் சங்கங்களின் பிரதிநிதிகளுடன் கூட்டத்திற்கு இன்று அழைப்பு விடுத்துள்ளார்.

இந்த கூட்டத்தில் தொழிலாளர் தலைவர்கள் சஞ்சய் நிருபம் மற்றும் சஷாங்க் ஷரத் ராவ் ஆகியோரும் கலந்துகொள்ள உள்ளனர்.

கூட்டம் இன்று பிற்பகல் 12:30 மணிக்கு அமைச்சரின் அறையில் நடைபெற உள்ளது. நிருபம், ராவ் ஆகியோருடன் போக்குவரத்து தொழிலாளர்களைப் பிரதிநிதித்துவப்படுத்தும் பிற சங்கத் தலைவர்களும் இதில் பங்கேற்பார்கள்.

இந்த மாத தொடக்கத்தில், மகாராஷ்டிரா முழுவதும் ஆட்டோ-ரிக்ஷா மற்றும் டாக்ஸி ஓட்டுநர்களுக்கு மராத்தி மொழிப் புலமை கட்டாயமாக்கப்படும் என்று போக்குவரத்து அமைச்சர் ஏற்கனவே அறிவித்திருந்தார்.

இதன் தொடர்ச்சியாக இந்த ஆலோசனைக் கூட்டம் நடைபெறுகிறது.

மே 1 முதல் ஓட்டுநர்களின் ஆவணங்கள் மற்றும் மராத்தி மொழித் திறன் சரிபார்ப்பு பணிகள் தொடங்க திட்டமிடப்பட்டுள்ளது குறிப்பிடத்தக்கது.

Hindusthan Samachar / vidya.b