லடாக், 30 ஏப்ரல் (ஹி.ச.)

ஜம்முகாஷ்மீரின் பிராந்திய பகுதியான லடாக்கின் லே பகுதியில் இன்று அதிகாலை 4.1 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் (என்சிஎஸ்) தெரிவித்துள்ளது.

இந்த நிலநடுக்கம் இந்திய நேரப்படி அதிகாலை 03:54:49 மணிக்கு பதிவானது. இதன் மையம் 36.722 வடக்கு அட்சரேகை மற்றும் 74.456 கிழக்கு தீர்க்கரேகையில் அமைந்திருந்தது.

நிலநடுக்கம் 150 கிலோமீட்டர் ஆழத்தில் ஏற்பட்டுள்ளது. நில அதிர்வு வகைப்பாட்டின்படி இது இடைநிலை முதல் ஆழ்நிலை நிலநடுக்கமாக வகைப்படுத்தப்படுகிறது.

அமெரிக்க புவியியல் ஆய்வு மையத்தின் (யூஎஸ்ஜிஎஸ்) தரவுகளின்படி, நிலநடுக்கங்கள் பொதுவாக ஆழத்தின் அடிப்படையில் வகைப்படுத்தப்படுகின்றன - 0 முதல் 70 கி.மீ வரை ஆழமற்ற நிலநடுக்கம், 70 முதல் 300 கி.மீ வரை இடைநிலை நிலநடுக்கம், மற்றும் 300 முதல் 700 கி.மீ வரை ஆழ்நிலை நிலநடுக்கம் ஆகும்.

யூஎஸ்ஜிஎஸ் குறிப்பிடுவதன்படி, 70 கிலோமீட்டருக்கும் அதிகமான ஆழத்தில் ஏற்படும் நிலநடுக்கங்கள் பொதுவாக “ஆழ்மைய நிலநடுக்கங்கள்” என்று அழைக்கப்படுகின்றன.

இந்த நிலநடுக்கத்தால் ஏற்பட்ட சேதம் அல்லது உயிரிழப்புகள் குறித்த தகவல்கள் இதுவரை வெளியாகவில்லை.

Hindusthan Samachar / vidya.b