புதுடெல்லி, 06 மே (ஹி.ச.)

வியட்நாம் அதிபர் டோ லாம் நேற்று இந்தியா வந்தடைந்தார். கயா வந்த அவரை பீகார் முதலமைச்சர் சம்ராட் சௌத்ரி வரவேற்றார். பின்னர், புது டெல்லிக்குச் செல்வதற்கு முன்பு, அவர் மகாபோதி கோயிலுக்குச் சென்று பிரார்த்தனை செய்தார்.

அதிபர் டோ லாமின் இந்தியப் பயணம் இருதரப்பு உறவுகளை வலுப்படுத்தும் என்று வெளியுறவு அமைச்சகம் (MEA) தெரிவித்துள்ளது.

முறையான சந்திப்புகளுக்கு முன்னதாக, தேசிய பாதுகாப்பு ஆலோசகர் அஜித் டோவல், ஜனாதிபதி டோ லாமை சந்தித்தார்.

அதன் பின்னர் ராஷ்டிரபதி பவன் வருகை தந்த வியட்நாம் அதிபர் டோ லாமிற்கு கோலாகலமான வரவேற்பு அளிக்கப்பட்டது.

வியட்நாம் அதிபரை, குடியரசு தலைவர் திரௌபதி முர்மு மற்றும் பிரதமர் நரேந்திர மோடி ஆகியோர் அன்புடன் வரவேற்றனர்.

இந்நிகழ்ச்சியில், பாரம்பரிய உடை அணிந்திருந்த குழந்தைகளும், வியட்நாம் தேசியக் கொடியையும் இந்திய மூவர்ணக் கொடியையும் ஏந்தியபடி அவருக்கு வாழ்த்து தெரிவித்தனர்.

வியட்நாம் கம்யூனிஸ்ட் கட்சியின் மத்தியக் குழுவின் பொதுச் செயலாளராகவும் இருக்கும் டோ லாம், மே 7 வரை இந்தியாவில் இருப்பார். கடந்த மாதம் வியட்நாம் அதிபராகத் தேர்ந்தெடுக்கப்பட்ட பிறகு, அவர் இந்தியாவுக்கு மேற்கொள்ளும் முதல் பயணம் இதுவாகும்.

இங்கு தங்கியிருக்கும் போது, அதிபர் டோ லாம், பிரதமர் மோடியுடன் இருதரப்பு உறவுகள் மற்றும் பரஸ்பர நலன் சார்ந்த பிராந்திய, உலகளாவிய பிரச்சினைகள் குறித்து விரிவான பேச்சுவார்த்தை நடத்தத் திட்டமிட்டுள்ளார். அவர் அதிபர் முர்மு மற்றும் பிற மூத்த இந்தியத் தலைவர்களையும் சந்திக்கவுள்ளார்.

பின்னர் மும்பைக்குச் செல்லும் அதிபர் டோ லாம் அங்கு மகாராஷ்டிர முதலமைச்சர் மற்றும் ஆளுநரை சந்திக்கவுள்ளார்.

Hindusthan Samachar / vidya.b