சென்னை, 13 ஜூன் (ஹி.ச)

விவசாயிகளின் வருமானத்தை உயர்த்தும் நோக்கில் மத்திய அரசு அறிவித்த வெங்காயம் கொள்முதல் விலை உயர்வு இன்று முதல் நடைமுறைக்கு வந்துள்ளது.

இதன்படி, கிலோ ஒன்றுக்கான கொள்முதல் விலை ரூ.15.80ல் இருந்து ரூ.16.50 ஆக உயர்த்தப்பட்டுள்ளது.

இந்த விலை உயர்வுக்கான உத்தரவை மத்திய அரசு நேற்று பிறப்பித்திருந்தது.

அந்த உத்தரவின்படி, புதிய கொள்முதல் விலை இன்று (சனிக்கிழமை, ஜூன் 13, 2026) முதல் அமலுக்கு வருகிறது.

விவசாயிகளுக்கு நியாயமான விலை கிடைக்க வேண்டும் என்பதையும், வேளாண் துறையில் வருமான பாதுகாப்பை உறுதி செய்ய வேண்டும் என்பதையும் கருத்தில் கொண்டு இந்த முடிவு எடுக்கப்பட்டுள்ளதாக அரசு தரப்பில் தெரிவிக்கப்பட்டுள்ளது.

கொள்முதல் விலை உயர்வு காரணமாக வெங்காயம் பயிரிடும் விவசாயிகள் நேரடியாக பயனடைவார்கள் என்றும், சந்தையில் நிலவும் விலை ஏற்ற இறக்கங்களில் இருந்து அவர்களுக்கு பாதுகாப்பு கிடைக்கும் என்றும் எதிர்பார்க்கப்படுகிறது.

இந்த உயர்வு, நாட்டின் முக்கிய வெங்காய உற்பத்தி மாநிலங்களில் உள்ள விவசாயிகளுக்கு பெரும் நிவாரணமாக அமையும்.

Hindusthan Samachar / vidya.b