லண்டன், 13 ஜூன் (ஹி.ச.)

10-வது மகளிர் டி20 உலகக்கோப்பை கிரிக்கெட் தொடர் இங்கிலாந்தில் நடைபெற்று வருகிறது. 12 அணிகள் பங்கேற்றுள்ள இந்த தொடரின் லீக் ஆட்டங்கள் விறுவிறுப்பாக நடைபெற்று வருகின்றன.

இந்த நிலையில், உலகக்கோப்பை தொடரில் இன்று 3 லீக் ஆட்டங்கள் நடைபெற உள்ளன. அனைத்து அணிகளும் வெற்றியுடன் தொடரை தொடங்கும் முனைப்பில் களம் இறங்குவதால் ரசிகர்கள் மத்தியில் எதிர்பார்ப்பு அதிகரித்துள்ளது.

ஸ்காட்லாந்து - அயர்லாந்து

மான்செஸ்டரில் உள்ள மைதானத்தில் இன்று மாலை 3 மணிக்கு நடைபெறும் 2-வது லீக் ஆட்டத்தில் ஸ்காட்லாந்து மற்றும் அயர்லாந்து அணிகள் மோதுகின்றன.

இரு அணிகளும் முதல் வெற்றியை பதிவு செய்ய தீவிரமாக களமிறங்க உள்ளன.

ஆஸ்திரேலியா - தென் ஆப்பிரிக்கா

அதே மைதானத்தில் இரவு 7 மணிக்கு நடைபெறும் 3-வது லீக் ஆட்டத்தில் பலம் வாய்ந்த ஆஸ்திரேலியா அணி, தென் ஆப்பிரிக்காவை எதிர்கொள்கிறது.

இந்த போட்டி தொடரின் முக்கியமான ஆட்டங்களில் ஒன்றாக கருதப்படுகிறது.

வெஸ்ட் இண்டீஸ் - நியூசிலாந்து

தொடர்ந்து சவுத்ஹாம்டனில் உள்ள மைதானத்தில் இரவு 11 மணிக்கு தொடங்கும் 4-வது லீக் ஆட்டத்தில் வெஸ்ட் இண்டீஸ் மற்றும் நியூசிலாந்து அணிகள் பலப்பரீட்சை நடத்துகின்றன.

இந்த போட்டியும் விறுவிறுப்பாக அமையும் என்று எதிர்பார்க்கப்படுகிறது.

இன்றைய 3 ஆட்டங்களும் ரசிகர்களுக்கு விருந்தாக அமையும் என்பதால் கிரிக்கெட் ரசிகர்கள் ஆவலுடன் காத்திருக்கின்றனர்.

Hindusthan Samachar / M.DEEPAK RAJA