புதுடெல்லி, 14 ஜூன் (ஹி.ச.)

புதுடெல்லியின் காஜிபூர் பகுதியில் 17 வயது சிறுவன் ஒருவன் கத்தியால் குத்திக் கொல்லப்பட்ட சம்பவம் பெரும் அதிர்ச்சியை ஏற்படுத்தியுள்ளது.

மாவட்டப் பூங்கா அருகே நள்ளிரவு சுமார் 12:30 மணியளவில் இந்தக் கொடூரச் சம்பவம் நடந்துள்ளதாக டெல்லி காவல்துறையினர் உறுதிப்படுத்தியுள்ளனர்.

சம்பவத்தில் மூன்று பேர் ஈடுபட்டதாகவும், அவர்கள் அனைவரும் சேர்ந்து சிறுவனை கத்தியால் சரமாரியாகத் தாக்கியதாகவும் முதற்கட்ட விசாரணையில் தெரியவந்துள்ளது.

படுகாயமடைந்த சிறுவன் சம்பவ இடத்திலேயே உயிரிழந்தான். இந்தத் தாக்குதலுக்கான காரணம் குறித்து இதுவரை தெளிவான தகவல் வெளியாகவில்லை.

தனிப்பட்ட முன்விரோதம் காரணமாக இந்தக் கொலை நடந்திருக்கலாம் என்ற கோணத்தில் போலீஸார் விசாரணையை முடுக்கிவிட்டுள்ளனர்.

கொலைச் சம்பவம் குறித்து தகவல் அறிந்ததும் காஜிபூர் காவல் நிலைய போலீஸார் உடனடியாக சம்பவ இடத்திற்கு விரைந்து வந்து உடலைக் கைப்பற்றி பிரேதப் பரிசோதனைக்கு அனுப்பி வைத்தனர்.

தலைமறைவாகியுள்ள மூன்று குற்றவாளிகளையும் பிடிக்க தனிப்படை அமைக்கப்பட்டுள்ளதாக காவல்துறை உயரதிகாரிகள் தெரிவித்தனர்.

சம்பவம் நடந்த இடத்தைச் சுற்றியுள்ள சிசிடிவி காட்சிகளை ஆய்வு செய்து, குற்றவாளிகளை அடையாளம் காணும் பணியில் போலீஸார் தீவிரமாக ஈடுபட்டுள்ளனர்.

தொடர்ந்து விசாரணை நடைபெற்று வருகிறது.

Hindusthan Samachar / vidya.b