ஆந்திரா , 29 ஜூன் (ஹி.ச.)

ஆந்திரப் பிரதேச துணை முதலமைச்சரும், ஜனசேனா கட்சித் தலைவருமான பவன் கல்யாண், தோள்பட்டை காயத்திற்கான மருத்துவ பரிசோதனைக்காக மும்பை சென்றார். அவருடன் அவரது மனைவி அன்னா கொணிடேலாவும் பயணம் மேற்கொண்டார்.

கடந்த சில மாதங்களாக இரு தோள்களிலும் ஏற்பட்டுள்ள 'ரோட்டேட்டர் கஃப்' காயத்தால் பவன் கல்யாண் அவதிப்பட்டு வருகிறார்.

இந்த காயம் காரணமாக தோள்பட்டை தசைகளில் பாதிப்பு ஏற்பட்டுள்ளதாக கூறப்படுகிறது.

இதற்கான முழுமையான மருத்துவ பரிசோதனை மற்றும் சிகிச்சைக்காக அவர் மும்பையில் உள்ள கோகிலாபென் திருபாய் அம்பானி மருத்துவமனைக்கு சென்றுள்ளார்.

சமீபத்தில் நடைபெற்ற தேர்தல் பிரசாரத்தின்போதும் கடுமையான தோள்பட்டை வலியுடன் தனது பிரசார பயணங்களை பவன் கல்யாண் தொடர்ந்தார்.

தற்போது துணை முதலமைச்சராக பொறுப்பேற்றுள்ள நிலையில், உடல்நலத்திற்கு முன்னுரிமை அளித்து விரிவான மருத்துவ பரிசோதனைகளை மேற்கொள்ள முடிவு செய்துள்ளதாக தகவல் வெளியாகியுள்ளது.

தொடர்ச்சியாக திரைப்படங்களில் நடித்த காலத்தில் ஏற்பட்ட காயங்களே தற்போது உடல்நலப் பிரச்சினையாக மாறியுள்ளதாக பவன் கல்யாண் ஏற்கனவே பல்வேறு சந்தர்ப்பங்களில் தெரிவித்துள்ளார்.

மேலும், அண்மையில் அவருக்கு சைனஸ் தொடர்பான அறுவைச் சிகிச்சையும் மேற்கொள்ளப்பட்டிருந்தது குறிப்பிடத்தக்கது.

Hindusthan Samachar / M.DEEPAK RAJA