கோரக்பூர், 03 ஜூன் (ஹி.ச.)

உத்தரப் பிரதேச முதல்வர் யோகி ஆதித்யநாத், இன்று கோரக்பூர் கோயில் வளாகத்தில் நடைபெற்ற ‘ஜனதா தரிசன்’ நிகழ்வில் பொதுமக்களின் குறைகளை நேரடியாகக் கேட்டறிந்தார்.

இந்நிகழ்வின் போது, உள்ளூர் மக்களுடன் கலந்துரையாடி, அவர்களின் பிரச்சனைகளுக்கு விரைந்து தீர்வு காண்பதை உறுதி செய்தார்.

தனது வருகையின் போது, முதல்வர் கோரக்நாத் கோயில் வளாகத்தில் உள்ள பசுக்களுக்கு தீவனம் அளித்தார். மேலும், வழக்கமான நடைமுறையின்படி குழந்தைகளுக்கு சாக்லேட்டுகளை வழங்கினார்.

மேலும் இன்று பிற்பகலில் கோரக்பூரில் 71 வளர்ச்சித் திட்டங்களுக்கான தொடக்க விழா மற்றும் அடிக்கல் நாட்டு விழாவில் பங்கேற்பதாக ஆதித்யநாத் அறிவித்தார்.

இந்த திட்டங்களில், கிடா (GIDA) பகுதியில் ₹208 கோடி செலவில் உருவாக்கப்பட்டுள்ள அடுக்குமாடி தொழிற்சாலை வளாகம் மற்றும் EWS-LIG குடியிருப்பு வளாகம் ஆகியவை அடங்கும்.

இந்த நிகழ்வில், தொழில் நிலங்கள் மற்றும் வீட்டுமனைகளுக்கான ஒதுக்கீட்டு கடிதங்களும், NIELIT திறன் மையத்தில் பயிற்சி பெற்ற இளைஞர்களுக்கான சான்றிதழ்களும் வழங்கப்படும்.

இந்த முன்னெடுப்புகளின் முக்கியத்துவத்தை வலியுறுத்திய முதல்வர் ஆதித்யநாத் கூறுகையில்,

இந்த நிகழ்வில் தொழில் நிலங்கள் மற்றும் வீட்டுமனைகளுக்கான ஒதுக்கீட்டு கடிதங்கள் வழங்கப்படும். அதே நேரத்தில், NIELIT திறன் மையத்தில் பயிற்சி பெற்ற இளைஞர்களுக்கு சான்றிதழ்களும் வழங்கப்படும். இந்த திட்டங்கள் ஆயிரக்கணக்கான இளைஞர்களுக்கு புதிய வாய்ப்புகளின் கதவுகளைத் திறக்கும்.

மேலும், ஆத்மநிர்பர் உத்தரப் பிரதேசம் என்ற உறுதிமொழிக்கு புதிய வேகத்தை அளிக்கும் என்று கூறினார்.

Hindusthan Samachar / vidya.b