பிரயாக்ராஜ், 10 ஜூலை (ஹி.ச.)

உத்தரப் பிரதேசம் முழுவதும் இன்று பரவலான மழை பெய்யும் என்று இந்திய வானிலை ஆய்வு மையம் (IMD) கணித்துள்ளது. அதேவேளையில், கிழக்கு உத்தரப் பிரதேசத்தில் மிதமான முதல் தீவிரமான மின்னல் செயல்பாடுகளும் கணிக்கப்பட்டுள்ளன.

இதனால், பல ஆறுகளில் நீர்மட்டம் அபாயக் குறியீட்டை நெருங்கி வருவதால், பிரயாக்ராஜ் நிர்வாகம் வெள்ளத் தடுப்பு மற்றும் பாதுகாப்பு நடவடிக்கைகளைத் தீவிரப்படுத்தியுள்ளது.

இது குறித்து செய்தியாளர்களிடம் பேசிய பிரயாக்ராஜ் மாவட்ட ஆட்சியர் மனிஷ் குமார் வர்மா கூறுகையில்,

பிரயாக்ராஜில் உள்ள பல ஆறுகளின் நீர்மட்டம் அபாயக் குறியீட்டை நெருங்கி வருகிறது; இருப்பினும், வழக்கமாக வெள்ள அபாயத்தை ஏற்படுத்தும் ஆறுகள் இன்னும் அபாயக் குறியீட்டிற்குக் கீழேதான் உள்ளன. அனைத்துத் தயார்நிலை நடவடிக்கைகளும் மேற்கொள்ளப்படுவதை நாங்கள் உறுதி செய்துள்ளோம்.

வெள்ளத்தால் பாதிக்கப்படக்கூடிய கிராமங்கள் அனைத்தும் அடையாளம் காணப்பட்டுள்ளன; ஏதேனும் குறைபாடுகள் இருந்தால் அவை சரிசெய்யப்பட்டு வருகின்றன.

சுகாதாரம், குடிநீர் மற்றும் கிருமிநாசினி தெளித்தல் போன்ற ஏற்பாடுகள் உறுதி செய்யப்படுகின்றன. SDRF மற்றும் NDRF குழுக்களும் பணியில் ஈடுபடுத்தப்பட்டுள்ளன. நாங்கள் விழிப்புடன் இருக்கிறோம்.

இவ்வாறு வர்மா கூறினார்.

இடியுடன் கூடிய மழை மற்றும் கனமழை பெய்யும் நேரங்களில், தாழ்வான மற்றும் வெள்ளத்தால் பாதிக்கப்படக்கூடிய பகுதிகளுக்குத் தேவையற்ற பயணங்களைத் தவிர்க்குமாறு பொதுமக்களுக்கு வானிலை ஆய்வு மையம் அறிவுறுத்தியுள்ளது.

Hindusthan Samachar / vidya.b