தெலுங்கானா, 10 ஜூலை (ஹி.ச.)

தொலைக்காட்சிகள் மற்றும் ஊடகங்களில் தொடர்ந்து தோன்ற வேண்டும் என்ற ஆசையிலேயே கல்வகுண்ட்ல கவிதா அரசியல் செய்து வருகிறார் என்று தெலங்கானா பாதுகாப்பு சேனா அமைப்பின் தலைவரும், பிஆர்எஸ் கட்சியின் மூத்த தலைவருமான கந்தர் வெங்கடரமணா ரெட்டி குற்றம்சாட்டியுள்ளார்.

வரங்கலில் நடைபெற்ற செய்தியாளர் சந்திப்பில் அவர் கூறியதாவது:-

கவிதா மிகுந்த விரக்தி மற்றும் ஏமாற்றத்துடன் அரசியல் செய்து வருகிறார். ஊடகங்களில் கவனம் பெறுவதற்காகவே அவர் தொடர்ந்து பல்வேறு கருத்துகளை தெரிவித்து வருகிறார்.

தெலங்கானா தனி மாநில போராட்ட காலத்தில் ஏராளமான இளைஞர்கள் மற்றும் போராட்டக்காரர்கள் உயிரிழந்தனர். இதற்கு காங்கிரஸ் கட்சியே காரணம். ஆனால், அப்போது மற்றும் தற்போது ஆட்சியில் உள்ள காங்கிரஸ் அரசை கேள்வி கேட்காமல், கவிதா பிஆர்எஸ் கட்சியை மட்டும் குறிவைத்து விமர்சித்து வருவது ஏன்?

தெலங்கானா போராட்டத்தில் உயிரிழந்தவர்களின் குடும்பங்களுக்கு காங்கிரஸ் அரசு உரிய நீதி வழங்க வேண்டும் என்று கவிதா ஏன் வலியுறுத்தவில்லை? காங்கிரஸ் அரசின் தோல்விகளை பற்றி பேசாமல், பிஆர்எஸ் கட்சியை மட்டும் விமர்சிப்பது பல்வேறு சந்தேகங்களை ஏற்படுத்துகிறது.

காங்கிரஸ் அரசுக்கும் தெலங்கானா பாதுகாப்பு சேனாவுக்கும் இடையே மறைமுக தொடர்பு உள்ளதா என்ற கேள்வி எழுகிறது.

ஆளும் கட்சியுடன் ரகசிய உடன்பாடு செய்து கொண்டதுபோல் கவிதா ஒருதலைப்பட்சமான கருத்துகளை தெரிவித்து வருகிறார்.

இவ்வாறு கந்தர் வெங்கடரமணா ரெட்டி கூறினார்.

Hindusthan Samachar / M.DEEPAK RAJA