புதுடெல்லி, 29 ஜூலை (ஹி.ச.)

பொதுத் தேர்வுகளில் (முறைகேடுகள் தடுப்பு) திருத்த மசோதா 2026-ன் கீழ் தண்டனை வழங்குவதை மட்டுமே நம்பியிருக்காமல், தேர்வுத்தாள் கசிவைத் தடுப்பதற்கான முன்னெச்சரிக்கை நடவடிக்கைகளுக்கு அரசு முன்னுரிமை அளிக்க வேண்டும் என்று காங்கிரஸ் எம்.பி. சசி தரூர் வலியுறுத்தினார்.

புதுடெல்லியில் இன்று செய்தியாளர்களிடம் பேசிய அவர்,

தண்டனை வழங்குவது சரிதான். ஆனால் தண்டனைக்கு செல்வதற்கு முன்பு, தேர்வுத்தாள் கசிவைத் தடுப்பதற்கான விதிகளை கொண்டு வாருங்கள். இது தொடர்பாக எனது உரையிலும் கட்டுரையிலும் சில ஆலோசனைகளை வழங்கியுள்ளேன்.

வெறும் விதிகளை இயற்றுவதால் மட்டும் நீதி உறுதி செய்யப்படாது. புதிய நீதிபதிகள், கூடுதல் நீதிபதிகளை நியமிக்க வேண்டும், ஒருவேளை புதிய நீதிமன்றங்கள் மற்றும் புதிய வழக்கறிஞர்களையும் நியமிக்க வேண்டும்.

நீதித்துறைக்கு திறன் இல்லையென்றால், புதிய நீதிமன்றங்களை அறிவிப்பதால் என்ன பயன்? என்று கேள்வி எழுப்பினார்.

மேலும், பில்கிஸ் பானு வழக்கு தொடர்பாக மத்திய கல்வி அமைச்சர் பிரகலாத் ஜோஷியின் கருத்துகளுக்கு காங்கிரஸ் தலைவர் பிரியங்கா காந்தி வத்ரா தெரிவித்த கண்டனத்திற்கு தரூர் ஆதரவு தெரிவித்தார்.

இது குறித்து பேசிய அவர், பிரியங்கா காந்தி இது குறித்து பேசியுள்ளார். பில்கிஸ் பானு விவகாரத்தில் பிரகலாத் ஜோஷி கூறியது தவறானது.

பில்கிஸ் பானுவிற்கு நடந்தது மிகவும் வருத்தத்திற்குரியது. அவருக்கு தீங்கிழைத்தவர்களுக்கு ஆதரவாக பேசுவது நல்லதல்ல என்று கூறினார்.

Hindusthan Samachar / vidya.b