புதுடெல்லி, 12 ஆகஸ்ட் (ஹி.ச.)

சுதந்திர தினத்தை முன்னிட்டு நாடு முழுவதும் நடைபெற்று வரும் 'ஹர் கர் திரங்கா' பிரச்சாரத்தின் ஒரு பகுதியாக, புது டெல்லியில் இன்று நடைபெற்ற பைக் பேரணியை துணை குடியரசுத் தலைவர் சி.பி. ராதாகிருஷ்ணன் கொடியசைத்து தொடங்கி வைத்தார்.

இந்த பிரச்சாரத்தில் குடிமக்கள் தீவிரமாக பங்கேற்று, மூவர்ணக் கொடியை பெருமையுடன் ஏற்ற வேண்டும் என்று அவர் வலியுறுத்தினார்.

பாரத் மண்டபத்தில் இருந்து மேஜர் தயான் சந்த் தேசிய விளையாட்டு அரங்கம் வரை நடைபெற்ற இந்த பேரணியில், தேசிய ஜனநாயக கூட்டணி நாடாளுமன்ற உறுப்பினர்கள் மற்றும் ஏராளமான ஆதரவாளர்கள் தேசியக் கொடியை ஏந்தியபடி கலந்து கொண்டனர்.

பங்கேற்பாளர்கள் மத்தியில் உரையாற்றிய துணை குடியரசுத் தலைவர் கூறுகையில்,

திரங்கா யாத்திரை, பைக் பேரணிகள், கலாச்சார நிகழ்ச்சிகளில் செயல்பாடுகள் வேறுபட்டவை, ஆனால் அவை சுமந்து செல்லும் உணர்வு ஒன்றுதான், அதுதான் கூட்டு சொந்தம் என்ற உணர்வு.

பேரணி முடியும் போது பயணம் முடிவதில்லை. பங்கேற்பின் உணர்வை தங்கள் வீடுகளுக்கும், உள்ளூர் சமூகங்களுக்கும் கொண்டு செல்ல வேண்டும்.

இந்த ஹர் கர் திரங்கா பிரச்சாரத்தில் தீவிரமாக ஈடுபடுமாறும், ஒவ்வொரு குடிமகனும் மூவர்ணக் கொடியை பெருமையுடன் ஏற்ற ஊக்குவிக்குமாறும் உங்கள் ஒவ்வொருவரையும் நான் கேட்டுக்கொள்கிறேன்.

பாரதம் ஒன்று, அது என்றென்றும் ஒன்றாகவே இருக்கும். இந்திய தேசியக் கொடியை வடிவமைத்த பிங்கலி வெங்கையாவுக்கும், சுதந்திர இந்தியாவின் முதல் தேசியக் கொடியை டாக்டர் ராஜேந்திர பிரசாத்திடம் வழங்க 72 பெண்கள் கொண்ட குழுவை வழிநடத்திய ஹன்சா மேத்தாவுக்கும் அஞ்சலி செலுத்துகிறேன்.

பேரணிக்குப் பிறகும் இந்த பிரச்சாரத்தின் உணர்வு தொடர வேண்டும். தேசிய பெருமை மற்றும் பங்கேற்பு குறித்த நீடித்த உணர்வை வளர்ப்பதே இதன் பெரிய நோக்கம்.

என்று துணை குடியரசுத் தலைவர் கூறினார்.

Hindusthan Samachar / vidya.b